♥ Exhausted Weekend

ပြီးခဲ့တဲ့စနေ၊ တနင်္ဂနွေကတော့ လွန်ခဲ့တဲ့သုံးလေးလအတွင်း အပင်ပန်းဆုံး weedend ပါပဲ။ ပွဲဆက်တွေများပြီး ရင်တုန်ပန်းတုန် ဖြစ်စရာတွေလည်း များခဲ့တယ်၊ ဇရာလေးထောက်လာတဲ့ ကျနော့်အဖို့ ခံနိုင်ရည်တောင် သိပ်မရှိချင်ဘူး။ ဘာကိစ္စ ကိုယ့်ကိုကိုယ် ဒီလောက်ညှင်းဆဲနေသလဲ စဉ်းစားမိတဲ့အထိပါပဲ။

စနေနေ့က စ တယ်ပြောရမယ်၊ အလုပ်ဖော်တွေက Pasir Ris အပန်းဖြေစခန်းတစ်ခုမှာ အခန်းငှားပြီး ဟော့ပေါ့စားဖို့ ချိန်းထားတယ်။ ဟော့ပေါ့ကိုမျှော်ပြီး ထမင်းတောင်မစားပဲ ဟိုရောက်မှ အားရပါးရလွေးတယ်၊ ဆာဆာနဲ့အုပ်လိုက်တာ ဗိုက်ကလေး အနေတော်ပြည့်သွားတော့ အရက်နဲ့ဘီယာတွေက မျက်စိရှေ့ ရောက်လာတယ်ဗျား၊ သောက်ဖြစ်ပါတယ်၊ ဘီယာနည်းနည်း၊ ဗေါ့ဒ်ကာကို ကိုကာကိုလာနဲ့ရော၊ ဝီစကီကို ဂရင်းတီးနဲ့ရော၊ အဲ့သလို ဟိုနည်းနည်း၊ ဒီနည်းနည်း၊ တခါတခါကို ငါးခြောက်ခွက် လျှောက်ရောထားပြီး လူငါးခြောက်ယောက်က ကျပန်း ရွေးသောက်ရတာ၊ ရောစပ်သူက အရင်ရွေးခွင့်မရှိ၊ နောက်ဆုံးကျန်တာ သူ့ဟာပဲ။ အလိုလေး၊ အစပိုင်း မှန်တယ်ဆိုရုံလေးပေါ့၊ သန်းခေါင်နားနီးတော့ အရှိန်စတက်တယ်၊ တက်ရင်း တက်ရင်း နောက်ဆုံး အန်သွားရောတဲ့ကွယ်၊ စင်္ကာပူမှာ ပထမဆုံးအကြိမ် အရက်ကြောင့် အန်မိခြင်းပါပဲ၊ တော်တော်ဆိုးဝါးတယ်။ သိကြတဲ့အတိုင်း အန်လိုက်ရင်တော့ နေသာထိုင်သာရှိသွားတယ်၊ ပြီးတာနဲ့ ထိုးအိပ်တော့တာပဲ၊ ဒီလိုအနေအထားမှာ အိပ်လို့သိပ်ကောင်းတာ၊ မျက်လုံးမှိတ်လိုက်တာနဲ့ လူက လေထဲကြွကြွတက်သွားတယ်၊ ချားရဟတ်ကို စိတ်ကူးနဲ့စီးတာပေါ့။ အောက်ပုံက ချားရဟတ်စီးခွင့် လက်မှတ်တွေပါ။

အိပ်ယာနိုးတော့ မနက်လင်းအားကြီး၊ လူတွေပြွတ်သိပ်နေတဲ့ အခန်းလေးထဲမှာ ဆက်အိပ်လို့ မကောင်းတာနဲ့ အိပ်ကိုမအိပ်ပဲ အပြင်မှာ နေကြာစေ့ထိုင်စားနေတဲ့ အလုပ်ဖော်တစ်ယောက်နဲ့ ခပ်စောစော ပြန်ခဲ့ကြတယ်။ အိမ်ပြန်ရောက်တော့ ရေမိုးချိုးပြီး ဟိုဖတ်ဒီဖတ်၊ ပြီးတာနဲ့ ဆက်အိပ်ပြန်ရော။ မွန်းမတည့်ခင် အိပ်ယာထပြီး စီးတီးဟောလ်ကို ချီတက်ရပြန်တယ်၊ အစ်မတယောက်က သူ့ စင်္ကာပူ အသိမိတ်ဆွေတွေကို မြန်မာအစားအစာ ကျွေးချင်လို့ အင်းလေးမှာ ချိန်းထားတာပါ၊ သွားသာသွားရတာ၊ ခေါင်းက နောက်ကျိကျိပါပဲ။ အောက်ပုံက သောက်နေရင်း ရိုက်ဖြစ်တဲ့ပုံပါ၊ ကျနော်ရိုက်လိုက်တာ ဆိုပေမယ့် ဘာအကြောင်းပြောနေလို့ (ဒါမှမဟုတ် သူတို့ကို ဘာတွေပြောင်ပြနေလို့) သူတို့တွေ ဒီလောက်တောင် ရီနေကြမှန်း မမှတ်မိတော့ဘူး၊ အမူအယာတွေက အတော်လေး ရီစရာကောင်းနေတယ်။ သဘောကျပါတယ်။

အင်းလေးဆိုလို့ နည်းနည်းပေါက်ကွဲလိုက်အုန်းမယ်၊ စားစရာကို အထွေအထူး မရေးချင်ပါဘူး၊ ဝန်ဆောင်မှု အပိုင်းကိုတော့ ရေးချင်နေတာ ကြာလှပြီ။ တော်တော်လေးကို စိတ်ညစ်ဖို့ကောင်းတယ်၊ ကျနော် ပြီးခဲ့တဲ့ လတွေက ကြာဇံဆီချက် သုံးခါလောက် ဆက်တိုက်စားဖြစ်တယ်၊ အမြဲတမ်း ကလီစာမထည့်ဖို့မှာတယ်၊ အမြဲတမ်းမေ့တယ်၊ ဗိုက်က တော်တော် ဆာနေတာဆိုတော့ ဘယ်တခေါက်မှ ပြန်မလဲခိုင်းပါဘူး၊ ဒါပေမဲ့ အူယားတာအမှန်ပဲ။ ပြီးခဲ့တဲ့ အခေါက်ကလည်း ထောပတ်သီးဖျော်ရည်ကို ဆီချက်နဲ့အတူမှာတယ်၊ ဒါပေမဲ့ ဆီချက်သာကုန်သွားတယ်၊ ဖျော်ရည် ရောက်မလာဘူးဗျား၊ အစကတော့ ဩော်၊ သူတို့တွေ အဓိက ဟင်းလျာဖြစ်တဲ့ ဆီချက်အရင်ချပေးပြီး ကုန်ခါနီးမှ အချိုဖြစ်တဲ့ ဖျော်ရည်ကိုချပေးဖို့ တမင်စီစဉ်တာလို့ အကောင်းဖက်က တွေးပေးသေးတယ်၊ ဘယ်ဟုတ်မတုန်းဗျ၊ လုံးလုံးကို မေ့နေတာကိုး။

လူများရင် ထားပါတော့၊ အဲဒီနေ့က ကျနော့်ဝိုင်းအပါအဝင် စားပွဲသုံးလုံးပဲ လူထိုင်တယ်၊ ဝန်ထမ်းတွေလည်း ဒီအတိုင်းပဲ ရပ်နေကြတာ၊ နှစ်မျိုးပဲမှာတာ ဆီချက်ထဲကို ကလီစာမထည့်ဖို့ မေ့သွားတယ် ထားပါတော့၊ ဖျော်ရည်လေးကိုပါ တွဲပြီး မေ့ရတယ်ဆိုတော့ အတော်လေး ဆန်းပါတယ်။ နောက်ပြီး ဘေးကနေ ဒီလူ အငန်တွေစားပြီး အချိုရည်မမှာဘူးလား ဆိုတဲ့ သံသယမျိုး မဝင်တတ်ကြတာ အံ့ဖွယ်ပဲ၊ ကျနော် မမှာခဲ့ရင်တောင် သူတို့မှာ လာမေးဖို့တာဝန်ရှိတယ်။ အနည်းဆုံး သူတို့မေ့နေလို့ စားသောက်ပြီး ထိုင်စောင့်နေရတဲ့လူကို ဖျော်ရည်လာချပေးတဲ့အခါ ဆောရီးနော် ဖြစ်ဖြစ် တခွန်းလောက် ပြောလိုက်ရင် စိတ်သက်သာရာရတယ်၊ ခက်တာက ဒါမျိုးလည်း ပြောဖော်မရပြန်ဘူး၊ နားလည်ရခက်တဲ့ အင်းလေးပါပဲ။

မနေ့ကတော့ လူအယောက်ရေထက် ချပေးတဲ့ရေခွက်က နည်းနေလို့ ရေတစ်ခွက်ထပ်မှာတာ သုံးခါတိတိ ပြောပြီးမှချပေးတယ်၊ အင်း၊ လူကျချိန်ဆိုတော့လည်း ဖြစ်တတ်ပါတယ်လို့ တွေးပေးတယ်၊ ဒါပေမဲ့ပေါ့လေ၊ အစဉ်အလာဖြစ်သွားရင်တော့ သိပ်မကောင်းဘူးပေါ့။ မြန်မာ့စားသုံးသူတွေ များလာတဲ့အလျောက် ဆိုင်ခွဲအသစ်တွေ ဖွင့်နေတဲ့ အင်းလေးကို ဒီထက်ပိုကောင်းတဲ့ ဝန်ဆောင်မှုတွေ ပေးနိုင်မယ်လို့ မျှော်လင့်မိတယ်။ စင်္ကာပူမှာ၊ အထူးသဖြင့် စားသောက်ဆိုင်တွေမှာ စားသုံးသူတွေကပဲ demanding လုံးဝ မဖြစ်ကြလို့လား မပြောတတ်ဘူး၊ ဝန်ထမ်းတွေ မျက်နှာပုပ်သိုးနေတာ၊ ဝန်ဆောင်မှု ဖြစ်ကတတ်ဆန်းနိုင်တာ စသဖြင့်ကို မကြာမကြာ ကြုံရတတ်တယ်၊ ဒါတွေဟာ ကောင်းတဲ့လက္ခဏာ မဟုတ်ပါဘူး၊ အင်း၊ အချိန်က စကားပြောမလား၊ ယှဉ်ပြိုင်မှုကပဲ စကားပြောမလား၊ စားသုံးသူအနေနဲ့ စောင့်ကြည့်ရုံမှတပါး၊ စောင့်ကြည့်ရုံပဲ ရှိပါတယ်။ အဲ၊ ဘလော့ဂ်မှာလည်း ပေါက်ကွဲခွင့်ရှိသေးတယ်။

စားပြီး သောက်ပြီး စိတ်ညစ်ပြီး ဒိုဘီကောက်က သယ်ရင်းတစ်ယောက်နဲ့ သွားတွေ့ပြန်တယ်၊ စတားဟပ်မှာ ဘာလုပ်ဖို့ရှိတယ်ဆိုလား၊ အဲဒီတော့ ထုံးစံအတိုင်း ကျူနံပါတ်နဲ့ တန်းစီရပြန်တယ်၊ ဒီမှာလည်း စိတ်ညစ်စရာ ကြုံရပြန်ရော၊ နံပါတ်က ၁၀၅၀၊ ငယ်စဉ်ကြီးလိုက် ခေါ်လာရာက ၁၀၄၇၊ ၄၈၊ ၄၉ ပြီးတော့ ၅၁ တဲ့။ ဩော်၊ နောက်လူက တခြားကိစ္စကြောင့် တန်းစီစရာမလိုပဲ အရင်ခေါ်လိုက်တာ ထင်ပါတယ်ပေါ့၊ နောက်တော့ ၁၀၅၂၊ ၁၀၅၃ တဲ့ဗျာ၊ ဟမ်၊ ဒါကတော့ နာ့ကိုသက်သက်ကြောတာပဲ ဆိုပြီး မျက်နှာထားတင်းတင်းနဲ့ ကောင်တာကို ကြားဖြတ်ဝင်ပြီး ပွစိပွစိလုပ်ရပါတယ်။ အဲဒီတော့မှ ၁၀၅၀ ဆိုပြီး ပြန်ခေါ်ပေးတယ်၊ ဟင်း၊ လူကိုများ ဘလော့ဂ်မှာ ရေးစရာမရှိဘူး ထင်နေလို့လား၊ ရေးစရာ မဖြစ်ဖြစ်အောင် လာဆွနေတယ် လို့တောင် တွေးလိုက်မိတယ်။ ဩော်၊ ဒီမှာ စားသုံးသူလာဖြစ်တာ ကံဆိုးတာပဲ၊ အများအားဖြင့် ဘာသာစကား အတားအဆီးကြောင့် ကိစ္စတစ်ခုကို လိပ်ပတ်လည်အောင် မပြောနိုင်လို့ ရေငုံနှုတ်ပိတ် နေကြတာနဲ့ပဲ စားသုံးသူတွေကို အချဉ်လို့ သဘောထားကုန်ကြရော့သလား၊ မဆီမဆိုင် လျှောက်တွေးမိတဲ့ စတားဟပ် အတွေးစလေးပေါ့ကွယ်။

နောက်တော့ အောချတ်သွား၊ ဂျူရောင်းအရှေ့သွား၊ ကလီမန်းတီးသွား၊ ဂျူရောင်းအရှေ့ကို ပြန်သွား၊ အနီလိုင်း၊ အစိမ်းလိုင်း၊ ခရမ်းလိုင်း အစုံလျှောက်စီးလိုက်ရတဲ့ နေ့လေးတစ်နေ့အဖြစ် အမှတ်တရ ဖြစ်စေခဲ့ပါတယ်။ တနေ့လုံးနီးပါးလည်း လမ်းလျှောက်နေတာဆိုတော့ လူက ပျော့ခွေနေပြီ၊ ဘလော့ဂ်ကို မရေးပြန်ရင်လည်း သူများလို ဟစ်တသိန်းတို့ဘာတို့ ကြွားစရာမရှိဖြစ်အုန်းမယ် ဆိုတော့ ဖျစ်ညှစ်ရေးလိုက်သေးတယ်၊ ဟိဟိ၊ သို့သော် နှစ်ကြောင်းတိတိ ရေးအပြီးမှာ အိပ်ယာပေါ်ကို ရောက်မှန်းမသိ ရောက်သွားပါတယ်၊ ဒီနေ့မှပဲ အပြီးသတ်လိုက်ရတယ်၊ ဩော်၊ ဘဝ ဘဝ၊ ဩော်၊ ဘလော့ဂ် ဘလော့ဂ်။