Busy With Renovations (3)

ဝယ်သင့်တာတွေ ဝယ်ပြီးသလောက်ရှိပါပြီ၊ ရေဘုံဘိုင်ခေါင်းတွေ၊ မျက်နှာသစ်ဘေဆင်တွေ၊ မှန်တွေ၊ ဆပ်ပြာတင်ခွက်တွေ၊ စင်တွေ၊ တန်းတွေ စတဲ့ ရေချိုးခန်း၊ အိမ်သာနဲ့ပတ်သက်တဲ့ ပစ္စည်းတွေကို တစ်ရက်၊ မီးသီးတွေ၊ မီးခွက်တွေ၊ မီးဆိုင်းတွေ၊ ပန်ကာတွေ၊ စတဲ့ မီးနဲ့ပတ်သက်တဲ့ ပစ္စည်းတွေကို တစ်ရက်၊ စားပွဲ၊ တီဗီစင်၊ ကော်ဖီစားပွဲ စတာတွေကို တစ်ရက်၊ ပြီးခဲ့တဲ့ ပိတ်ရက်သုံးရက်မှာ တစ်ရက်စီ လိုက်ဝယ်လိုက်တယ်၊ ကဒ်နဲ့ရှင်းတော့ မသိသာဘူး၊ စာရွက်နဲ့ တခုချင်း သေချာပြန်တွက်ကြည့်မှ လင်မယားနှစ်ယောက် “ဟမ်မလေးလေး” ဖြစ်ကုန်တယ်၊ ရပ်တန်းကရပ်ပါ လို့ ကိုယ့်ကိုကိုယ် သတိပေးချင်ပေမယ့် အရာရာ နောက်ကျသွားခဲ့ပြီ၊ ဝယ်စရာ နှစ်မျိုးသုံးမျိုးပဲ ကျန်တော့တယ်လေ။

MBR ထဲက အိမ်သာ၊ ဒီနေ့ညနေအထိတော့ နံရံနဲ့ကြမ်းခင်းကြွေပြားတွေ ကပ်ပြီးတဲ့အဆင့် ရောက်သွားပါပြီ။

တဆင့်ချင်းကြည့်မှ ဇာတ်ရည်လည်မှာဆိုတော့ ပုံဟောင်းတွေကိုပါ တတွဲတည်းတင်လိုက်ပါတယ်။

အိမ်သာအိုး၊ မှန်၊ စင်၊ တန်း၊ ဟိုဟာ၊ ဒီဟာ အကုန်တပ်ပြီးရင် ကြည့်ပျော်ရှုပျော်ရှိသွားမယ် ထင်ရပါတယ်။


ဒီနေ့ပို့လာတဲ့ပစ္စည်းစာရင်းပါ၊ ရောက်လာတဲ့ပစ္စည်းတွေနဲ့ တခုချင်းတိုက်စစ်ပြီး ပြန်ခဲ့ပါတယ်။


ဒီရက်ပိုင်း ပိတ်ရက်တွေဆက်နေတာ တော်တော်အဆင်ပြေသွားတယ်၊ လုပ်စရာတွေ လုပ်လို့ရတာပေါ့။ မယ်ရီရေ၊ ခရစ္စမတ်ပါကွာ၊ ဟက်ပီးရေ၊ နယူးယားပါကွာ။