End of the Beginning

နှစ်သစ်မှာ အိမ်သစ် စိတ်သစ် လူသစ်နဲ့၊ လူ့လောကထဲ ရောက်လာတော့မယ့် ရင်သွေးအသစ်စက်စက်လေး အပါအဝင် အားလုံးသော အသစ်အသစ်များကို ကြိုဆိုကြပါစို့။

မနေ့က နှစ်ကြိမ်နှစ်ခါတိတိ ပြောင်းရွှေ့အပြီးမှာ လူလည်း လူနဲ့မတူတော့ဘူး၊ ဆံပင်တွေထောင်ပြီး တကိုယ်လုံး ဖုန်တွေ ကြပ်ခိုးတွေနဲ့ မိတ်ကပ်ဖို့ထားသလား အောက်မေ့ရတယ်။ ပထမအကြိမ်ပြောင်းတော့ နေအရမ်းပြင်းပြီး ချွေးတပြိုက်ပြိုက်ကျတယ်၊ ဒုတိယတခါ ပြောင်းဖို့ ကားပေါ်ပစ္စည်းတွေ တင်အပြီးမှာတော့ မိုးကောင်းကင်က ဟိုးအနောက်အရပ်ဆီကနေ ချက်ချင်းမည်းလာပြီး (ဘာတွေတုန်း) ထစ်ချူန်းမိုးကြီး ရွာချတယ်၊ အဲဒီမှာတိုင်ပတ်တာပဲ၊ အိမ်အောက်မှာ mover အန်ကယ်ရယ် အကူကောင်လေး ၃ ယောက်နဲ့ ငေါင်ငေါင်ကြီး မိုးစက်မိုးပေါက်တွေထိုင်ကြည့်၊ မိုးခြိမ်းသံတွေထိုင်နားထောင်ရင်း မိုးတိတ်မယ့် မင်္ဂလာအချိန်ကို စောင့်ရတယ်။ မိုးကာကာထားတဲ့ ပစ္စည်းတွေလည်း စိုတာစို၊ မစိုတာမစိုပေါ့၊ ဟင်း။ မိုးအရမ်းသဲလာတော့ မတတ်နိုင်တဲ့အဆုံး အန်ကယ်ကြီးက သူ့ကားတစ်စီးလုံးကို အမှိုက်ရှင်းတဲ့ အဆောက်အအုံလေးထဲ မိုးခိုဖို့ မောင်းသွင်းထားရတယ်၊ မသိရင် အမှိုက်ကားလိုလို ဘာလိုလိုပေါ့၊ တော်တော်ရီရတယ်။ နောက်တော့ မင်္ဂလာအချိန် ပြန်လည်ကျရောက်လာတယ်၊ အဲဒီတော့မှ သက်ပြင်းတွေချနိုင်တော့တယ်။ ဟိုဖက်အိမ်ရောက်တော့ မိုးဖွဲဖွဲလေးပဲ ကျန်တော့တယ်၊ နေကလည်း သူမဟုတ်သလို ခပ်တည်တည် ပြန်ထွက်လာတယ်၊ ေဩာ်၊ အင်မတန်မှ နားလည်ရခက်တဲ့ မိုးမင်းကြီးပါလား ပေါ့ကွယ်။

ဘာပဲဖြစ်ဖြစ် ပြောင်းပြီးသွားပါပြီ၊ ငှားထားတဲ့အိမ်ကို သန့်ရှင်းရေးလုပ်ဖို့၊ ပြန်အပ်ဖို့၊ အိမ်ရှင်ဆီက စပေါ်ပြန်ယူဖို့၊ စသည် စသည် နောက်ဆက်တွဲအလုပ်တွေ ဆက်လုပ်စရာကျန်သေးတယ်။ မနေ့က မိုးကြီးလေကြီးကို မမှုပဲ အိမ်လာကူပေးကြတဲ့ ဘော်ဒါသုံးယောက်နဲ့ အစ်မတစ်ယောက်ကို ဒီကနေ ကျေးဇူးတင်ပါတယ်၊ သိပ်စားမကောင်းတဲ့ ပီဇာကို အောင့်အီးစားပေးသွားတာကိုလည်း အားနာနာနဲ့ ကျေးဇူးထပ်တင်ပါတယ်။

ပျော်ရွှင်ဖွယ် နှစ်သစ်ဖြစ်ကြပါစေ။ ဒီပို့စ်က ဒီဘလော့ဂ်အတွက် နောက်ဆုံးပို့စ်ပါ၊ အသစ်အသစ်တွေကြားမှာ ဘလော့ဂ်ကြီးပါ အသစ်ဖြစ်စေရမယ်လေ :p

Let's move!

ပေါလစ်ချ်တိုက်နေတုန်း ချောင်းရိုက်ထားတာပါ။

ဝယ်ထားတဲ့ပရိဘောဂတွေ ဒီနေ့နောက်ဆုံးအသုတ်အနေနဲ့ အကုန်ရောက်ပြီ။

သန့်ရှင်းရေးလုပ်ပြီး အိမ်ပြောင်းဖို့ အသင့်အနေအထားကို ပြင်ထားပြီးသွားပြီ၊ သူမကတော့ အင်္ကျီတထည်ချင်း မီးပူတိုက်ၿပီး ပြုပြီး အားလုံး အားလုံး ကျကျနန သိမ်းဆည်းပြီးမှ အသင့်အနေအထား ရောက်တယ်လို့ သတ်မှတ်ထားပါတယ်၊ ဒါကြောင့် သူမစိတ်ထဲမှာ အသင့်အနေအထားရောက်ဖို့ အများကြီး လိုနေပါသေးတယ်၊ ကျနော့်ပေတံနဲ့ကတော့ အခုပြောင်းဆို ပြောင်းလို့ ရနေပါပြီ၊ အဆောင်နေတုန်းက ပြောင်းလိုက်ရတဲ့ အကြိမ်ပေါင်း၊ အလုပ်လုပ်တော့လည်း ပြောင်းလိုက်ရတဲ့ အကြိမ်ပေါင်း၊ အားလုံး ပေါင်းထည့်လိုက်ရင် ဘယ်နှကြိမ်ရှိမှန်းတောင် မသိတော့ဘူး၊ တခါတလေများ အင်္ကျီတွေ ချိတ်တန်းလန်းနဲ့ပဲ အမှိုက်အိတ်လို အိတ်ကြီးထဲ အကုန်ကောက်ထည့်ပြီး ပြောင်းခဲ့ရတာ၊ ဒါကြောင့် အခု ဒီအခြေအနေက တော်တော်လေး အသင့် အနေအထား ဖြစ်နေပြီလို့ ကိုယ့်ကိုကိုယ် ယူဆပစ်လိုက်တယ်၊ ညှင်းညှင်းညှင်း။

ဖခင်ကြီးက အိုင်ပက်နဲ့ အိမ်ပြောင်းခြင်းကို ရီဟာဆယ်လုပ်နေတာပါ၊ ဒါကို ဒီလိုရွှေ့မယ်၊ ဟိုဟာကို ဟိုလိုရွှေ့မယ်ပေါ့။

ထားမယ့်နေရာအတွက် တော်တော်ငြင်းခုန်လိုက်ရတဲ့ ထမင်းစားစားပွဲပါ၊ ဧည့်ခန်းမှာထားဖို့ ကျနော်မဲအများကြီး (ကြိုတင်မဲအပါအဝင်) ထည့်လိုက်တယ်၊ တခြားသူတွေ ဆန့်ကျင်နေတဲ့ကြားက အနိုင်ရသွားပါတယ်။

ပစ္စည်းသိမ်းစရာ ကက်ဘိနက်တွေ အများကြီးပါတဲ့ မီးဖိုချောင်ပါ၊ အကန့်တွေကိုကြည့်ပြီး ပီတိတွေဖြာခနဲ ဖြာခနဲ ထွက်မိပါတယ်၊ ပွစိထနေတဲ့ မြင်ကွင်းတွေကို နှုတ်ဆက်ဖို့ အချိန်တန်ပါပြီ၊ ဟဲဟဲ။

Enter the Dragon

ဘာမွမေရးခင္ ၿပီးခဲ့တဲ့ ေရနဂါးပို႔စ္မွာ ေကာ္မန္႔ေရးသြားတဲ့ ေစာသံလြင္ကို ေက်းဇူးတင္လိုက္ပါတယ္၊ သူမေျပာရင္ က်ေနာ့္ဇယားကိုက်ေနာ္ မွန္တယ္လို႔ပဲ ထင္ေနဦးမွာ။ အဲဒီပို႔စ္က ဇယားထဲမွာ ခုႏွစ္သကၠရာဇ္နဲ႔ ဆိုင္ရာ Zodiac အေကာင္ေတြကေတာ့ မွန္ပါတယ္၊ သို႔ေသာ္ ဓာတ္ ၅ မ်ဳိးနဲ႔ ေပါင္းစပ္ပံု မွားေနပါတယ္၊ ဟိုက ဒီက ရွာဖတ္ၾကည့္ေတာ့မွ ကိုယ္မွန္တယ္လို႔ အရင္ကတည္းက ထင္ထားခဲ့တဲ့ အယူအဆ မွားေနမွန္း သိလိုက္ရတယ္။ ဒီပို႔စ္ကို အမွားျပင္ဆင္တဲ့ အေနနဲ႔ တင္ပါတယ္။ (ကဒီဘီရဲ႕ ယူနီကုတ္ converter ေၾကာင္ေနသလား မသိဘူး၊ error ခ်ည္း တက္ေနတယ္၊ ေဇာ္ဂ်ီပဲရွိတဲ့စက္နဲ႔ ႐ိုက္ထားလို႔ ေဇာ္ဂ်ီနဲ႔ပဲ အရင္တင္လုိက္ပါမယ္)
--
ဓာတ္ ၅ မ်ဳိး မေျပာခင္ တ႐ုတ္အယူထဲက ေကာင္းကင္က ပင္စည္ ၁၀ မ်ဳိးနဲ႔ ေျမေပၚက အကိုင္းအခက္ ၁၂ မ်ဳိး ရွိေၾကာင္း (နားမရွဳပ္ ရွဳပ္ေအာင္) အရင္ေျပာခ်င္ပါတယ္။ အဲဒါေတြကို ရာသီခြင္ တြက္တဲ့အခါေရာ၊ အခ်ိန္နာရီ တြက္တဲ့အခါမွာပါ သံုးပါတယ္၊ အင္း၊ တျခားဘယ္ေနရာေတြ သံုးေသးလဲ မသိပါဘူး၊ အင္မတန္ရွဳပ္တာ အမွန္ပဲ။ အခု က်ေနာ္မွားေနတဲ့ ဓာတ္ ၅ မ်ဳိးက တကယ္တမ္းက်ေတာ့ မိုးေပၚက ပင္စည္ ၁၀ မ်ဳိးနဲ႔ သြားပတ္သက္ပါတယ္၊ အဲဒီ အေခၚအေဝၚေတြ ေရးမေနေတာ့ပါဘူး၊ နံပါတ္စဥ္နဲ႔ပဲ ေျပာပါမယ္။ ၁၀ မ်ဳိးထဲက နံပါတ္ ၁ နဲ႔ ၂ ကို သစ္နဲ႔တြဲတယ္၊ ၃ နဲ႔ ၄ ကို မီးနဲ႔တြဲတယ္၊ ၅ နဲ႔ ၆ ကို ေျမနဲ႔တြဲတယ္၊ ၇ နဲ႔ ၈ ကို ေရႊနဲ႔တြဲၿပီး ေနာက္ဆံုး ၉ နဲ႔ ၁၀ ကို ေရနဲ႔ တြဲပါတယ္။ ဆိုေတာ့ အခု ဒီဇယားအသစ္မွာ ေတြ႔ရတဲ့အတိုင္း ဓာတ္ ၅ မ်ဳိးထဲမွာ သစ္၊ မီး၊ ေျမ၊ ေရႊ၊ ေရ ဆိုတဲ့ အစီအစဥ္နဲ႔ တစ္မ်ဳိးကို ၂ ႏွစ္ အလွည့္က် သြားပါတယ္၊ ၂ ခါစီ ျပန္ေက်ာ့တဲ့အခါ ဓာတ္ခ်င္းအတူတူ ဆိုေပမယ့္လို႔ ကြာျခားခ်က္ကေတာ့ ပထမတခါက ဖို၊ ဒုတိယတခါက မ ပါ။ အကိုင္းအခက္ ၁၂ မ်ဳိးက်ေတာ့ Zodiac ၁၂ ေကာင္နဲ႔ ဆက္စပ္ပါတယ္၊ ဒီလိုနဲ႔ တြဲလိုက္တဲ့အခါ ႏွစ္ ၁ ႏွစ္ဟာ ဓာတ္ ၅ မ်ဳိးထဲက တမ်ဳိးမ်ဳိးရယ္၊ ေနာက္ၿပီးေတာ့ ဖို သို႔မဟုတ္ မ ရယ္၊ အေကာင္ ၁၂ ေကာင္ထဲက တေကာင္ေကာင္ရယ္ ထြက္လာပါတယ္။ ဒီလ ၂၃ ရက္ေန႔မွာ ေရာက္လာမယ့္ နဂါးႏွစ္ကေတာ့ (ဖို + ေရ + နဂါး) ပါ။ ယင္း/ယန္ ေခၚ ဖို/မ ကို အဲသလို တခုျခားစီ ခြဲလိုက္ေတာ့ Zodiac ၁၂ ေကာင္ဟာလည္း ဖို ၆ ေကာင္၊ မ ၆ ေကာင္ ျဖစ္သြားတယ္။ ဖို ေတြက ႂကြက္၊ က်ား၊ နဂါး၊ ျမင္း၊ ေမ်ာက္ နဲ႔ ေခြး ျဖစ္ၿပီးေတာ့၊ မ ေတြက ႏြား၊ ယုန္၊ ေႃမြ၊ ဆိတ္၊ ၾကက္ နဲ႔ ဝက္ ျဖစ္ပါတယ္။ ေအာက္က ဇယားမွာ 1901 ကေန 2040 အထိ ႏွစ္ေပါင္း ၁၄၀ စာ ၾကည့္ႏိုင္ပါတယ္၊ ပင္စည္ေတြ အကိုင္းအခက္ေတြနဲ႔ ျဖတ္ေတာက္ထားတာ မဟုတ္ပါဘူး၊ ခရစ္သကၠရာဇ္နဲ႔ ျဖတ္ထားတာပါ၊ ဒီဇယားထဲမွာ ျပထားသေလာက္ ပင္စည္ ၁၀ မ်ဳိးရဲ႕ အစ ကေတာ့ 1904 ခုႏွစ္ ျဖစ္ပါတယ္။



ေစာသံလြင္ေမးသြားတဲ့ ၂၀၀၇ ကေတာ့ အင္တာနက္ေပၚမွာလည္း ေတာ္ေတာ္ေတြ႔ရတယ္၊ အဲဒီႏွစ္ကို မွားယြင္းစြာနဲ႔ ေရႊ+ဝက္ ႏွစ္လို႔ ေခၚၾကတာကို ေထာက္ျပထားတာပါ။ တကယ္တမ္း မီး+ဝက္ ျဖစ္ပါတယ္။ က်ေနာ့္ ပို႔စ္ ထဲမွာ ေရ+ဝက္ လို႔ မွားေရးမိတာ ေဆာရီးပါ။

ေနာက္ဆံုးအေနနဲ႔ ခုႏွစ္သကၠရာဇ္ကို သက္ဆိုင္ရာ ဓာတ္ေတြနဲ႔ ဒီလိုတြဲမွတ္ႏိုင္ပါတယ္ (Excel ဖိုင္မွာ filter ၾကည့္ရင္ ရွင္းရွင္းလင္းလင္း ျမင္ရမွာပါ)။ 

ခုႏွစ္သကၠရာဇ္ ေနာက္ဆံုးဂဏန္း ၀ သို႔မဟုတ္ ၁ ဆိုရင္ ေရႊ ပါ။
ခုႏွစ္သကၠရာဇ္ ေနာက္ဆံုးဂဏန္း ၂ သို႔မဟုတ္ ၃ ဆိုရင္ ေရ ပါ။
ခုႏွစ္သကၠရာဇ္ ေနာက္ဆံုးဂဏန္း ၄ သို႔မဟုတ္ ၅ ဆိုရင္ သစ္ ပါ။
ခုႏွစ္သကၠရာဇ္ ေနာက္ဆံုးဂဏန္း ၆ သို႔မဟုတ္ ၇ ဆိုရင္ မီး ပါ။
ခုႏွစ္သကၠရာဇ္ ေနာက္ဆံုးဂဏန္း ၈ သို႔မဟုတ္ ၉ ဆိုရင္ ေျမ ပါ။

တ႐ုတ္ေတြရဲ႕ အယူအဆမွာ ဒီငါးမ်ဳိးက အခ်င္းခ်င္း တည့္တာရွိသလို၊ မတည့္တာ (ခိုက္တာ) လည္း ရွိတယ္။ ေအာက္ပံုထဲက ျမႇားအနက္ေတြက ေကာင္းတဲ့၊ သင့္ျမတ္တဲ့ ဆက္ဆံေရးျဖစ္ၿပီး၊ ျမႇားအျဖဴေတြက်ေတာ့ ခိုက္တဲ့ သေဘာပါ။ ဒီေခတ္ႀကီးမွာ က်ေနာ္ကေတာ့ ဒါေတြ သိပ္မယံုေတာ့ပါဘူး၊ အခ်င္းခ်င္း ဓာတ္ျပဳၾက ဓာတ္လိုက္ၾကရင္ ၿပီးတာပဲေလ၊ သူ႔ဟာသူ ဘာဓာတ္ျဖစ္ျဖစ္ေပါ႔ :p

Image Source: Wikipedia

Reno Reno Reno

ပုံနည်းနည်းထပ်တင်လိုက်ပါတယ်၊ အသစ်မဟုတ်ပါဘူး၊ ပြီးခဲ့တဲ့ပို့စ်က ပုံတွေနဲ့ တရက်တည်း ရိုက်ထားတာပါ၊ ယှဉ်ကြည့်လို့ရအောင် မပြင်ခင် ပုံဟောင်းတွေနဲ့ ပုံသစ်တွေကို ရောတင်ထားပါတယ်။

ကြွေပြားအပြည့်ကပ်ထားတဲ့ ဧည့်ခန်းနံရံပါ၊ တံခါးပေါက် ထောင့်စွန်းကိုလည်း ၄၅ ဒီဂရီ ချိုးထားပါသေးတယ်၊ ကြွေပြားအကုန်ခွာပြီး အဲဒီထောင့်စွန်းလေးကိုပါ ထောင့်မှန်ဖြစ်အောင် လုပ်လိုက်ပါတယ်။


နောက်ခံမှာ ကြွေပြားခွာပြီး ဆေးပြန်သုတ်ပြီးတဲ့ နံရံကို တွေ့နိုင်ပါတယ်၊ ရှေ့ကမီးလုံးတွေက ထမင်းစားစားပွဲကို ထိုးဖို့ပါ။


ပြင်ပြီး ဧည့်ခန်း၊ wide angle lens ကြောင့် တကယ့်ဧရိယာထက် အများကြီးကျယ်တယ် ထင်ရတယ်။


မပြင်ခင် ဧည့်ခန်း၊ ဒါက ရိုးရိုး lens နဲ့ ရိုက်တာပါ၊ ဧည့်ခန်းက တကယ်တော့လည်း ကျဉ်းရှာပါတယ်။


ပန်ကာတပ်ထားတဲ့ ဒီနံရံကိုတော့ စင်တွေတပ်လိုက်ပါပြီ၊ TV console ကို ဒီဖက်ထားမှာပါ။


အိမ်နောက်ဖေးပါ၊ ဘေဆင်ပေါ်က စင်တွေပါတဲ့ မှန်ကိုလည်း IKEA ကနေ ဝယ်ခဲ့တာပါပဲ။

Water Dragon 2012

ပြီးခဲ့တဲ့ပို့စ်တစ်ခုမှာ ၂၀၁၂ ဟာ နဂါးနှစ်ဖြစ်တာ ဟုတ်ပါပြီ၊ ဘာလို့ ရေနဂါး လို့ ခေါ်ရတာလဲ ဆိုပြီး မေးသွားတာကို သိသလောက် ပြန်ဖြေတာပါ။

[WRONG INFORMATION IN THE ABOVE TABLE! Please refer to this post]

ဒီလိုပါ၊ တရုတ်အယူအဆအရ ဒြပ် ၅ ပါးဖြစ်တဲ့ ရွှေ၊ သစ်၊ ရေ၊ မီး၊ မြေ ကို ၁ နှစ်စီ အလှည့်ကျ ပေးသွားလို့ နှစ်တိုင်းမှာ သူ့နဲ့ပတ်သက်တဲ့ ဒြပ်တစ်ခုခု ရှိနေရတာပါ။ လာမယ့် တရုတ်နှစ်သစ်ဟာ သိကြတဲ့အတိုင်း နဂါးနှစ်ဖြစ်တယ်၊ အဲဒီနှစ်ဟာလည်း ရေနှစ်ဖြစ်နေတယ်၊ ဒါကြောင့် ရေနဂါးဖြစ်သွားပါတယ်။ နဂါး ကတော့ zodiac အကောင် ၁၂ ကောင်ထဲက တစ်ကောင်ပါ။ အဲဒီ ၁၂ ကောင်ကို အစဉ်လိုက်ပြောရရင် ကြွက်၊ နွား၊ ကျား၊ ယုန်၊ နဂါး၊ မြွေ၊ မြင်း၊ ဆိတ်၊ မျောက်၊ ကြက်၊ ခွေး၊ ဝက် ဖြစ်ပါတယ်။ အပေါ်က ဖိုင်ထဲက ကော်လံ D မှာ ကြိုက်တဲ့ အကောင်တစ်ကောင်ကို ရွေးထားလိုက်ပြီး (ကျန်တာဝှက်လိုက်ပြီး) အဲဒီအကောင်ကျတဲ့ ခရစ်သက္ကရာဇ်တွေကို ကြည့်နိုင်ပါတယ်၊ ဒြပ် ၅ ပါးက ရွှေ၊ သစ်၊ ရေ၊ မီး၊ မြေ ဆိုပြီး အစဉ်လိုက် လာပေမယ့် zodiac ၁၂ ကောင်နဲ့ အလှည့်ကျ တွဲလိုက်တော့ အစီအစဉ်တွေက ခုန်ကျော်ကုန်တယ်၊ ဥပမာ၊ ရွှေနဂါး နဲ့ သစ်နဂါးက ၃၆ နှစ် ခြားသွားတယ်၊ ထိုနည်းတူပဲ သစ်နဂါးနဲ့ ရေနဂါးက ၃၆ နှစ် ခြားပြန်တယ်။ အဲသလို ၅ ခုနဲ့ ၁၂ ခု သွားတွဲတဲ့ အတွက်ကြောင့် ၁၂ နှစ် ခြား တခါပြန်ကျတဲ့ ကြိုက်ရာ အကောင်တစ်ကောင်ကို ကြည့်လိုက်ရင် သူ့နဲ့တွဲတဲ့ ဒြပ်တွေရဲ့ အစီအစဉ်က နဂို ရွှေ၊ သစ်၊ ရေ၊ မီး၊ မြေ ကနေ ရွှေ၊ ရေ၊ မြေ၊ သစ်၊ မီး ဖြစ်သွားတယ်၊ ဒြပ်ရော အကောင်ရော တထပ်တည်းတူတာ ပြန်ကျဖို့ အနှစ် ၆၀ စောင့်ရပါတယ်။ ဒါပါပဲ။

Renovation almost complete

မီးဖိုချောင်က ၉၈% ပြီးသွားပါပြီ၊ ကျန်တဲ့ ၂% က ဘာလဲလို့ မမေးပါနဲ့၊ ကျနော်လည်း မသိပါဘူး၊ ပိုပိုလိုလို ၂% လောက်တော့ စတိအဖြစ် ချန်ထားတာ။ စစချင်း လုပ်ဖို့ပြောတုန်းက စားပွဲမျက်နှာပြင်ပေါ်တင်မယ့် artificial marble ခေါ် solid surface ကို နှစ်ကူးပြီးမှ ရမယ်လို့ ပြောခဲ့ပေမယ့် အခုတော့ တပတ်စောပြီး ပြီးသွားပါတယ်၊ ကျန်တာတွေလည်း ပြီးလုပြီးခင် ပြီးချင်ချင် ဖြစ်နေကြပါပြီ၊ ဒီနေ့ ကြမ်းခင်းကို ပေါလစ်ရှ်တိုက်ပါတယ်၊ မနက်ဖြန်လည်း ဆက်ပြီး ပေါလစ်ရှ်မယ် ပြောပါတယ်၊ ဒီတိုင်းဆို သန်ဖက်ခါမှ ဧည့်ခန်းကပန်ကာ တပ်လို့ရပါမယ်၊ အမယ်၊ အဲဒီ ဒလက် ၅ ခုနဲ့ ပန်ကန်တွေတပ်ဖို့က ထင်သလောက် မလွယ်ဘူးဆိုပဲ၊ ကန်ထရိုက်တာက သိပ်ကွန်ဖီးဒန့်မရှိလို့ ပန်ကာရောင်းတဲ့ ဆိုင်ကိုပဲ တပ်ခိုင်းဖို့ ပြောပါတယ်၊ ကန်ထရိုက်တာက သူ့လူတွေတပ်ရင် ဟန်ချက်မညီပဲ အသံဗလံတွေ မြည်ကောင်း မြည်နိုင်တယ် ဆိုပဲဗျ။

မပြင်ခင်မီးဖိုချောင်


ပြင်ပြီးမီးဖိုချောင်


ဟိုးဧည့်ခန်းထဲက မီးလုံးသုံးလုံးအောက်မှာ ထမင်းစားစားပွဲ ထားမှာပါ။


Solid Surface ကို အဖြူရောင် ရွေးထားပါတယ်၊ ကက်ဘိနက်ရဲ့ လယ်မီနိတ် အနီရင့်ရောင်နဲ့ လိုက်မယ်ထင်ပါတယ်။


ဧည့်ခန်းလည်း ပြီးချင်ချင်အနေအထားပါ၊ ဆေးသုတ်ပြီးပြီ၊ မီးဆွဲပြီးပြီ၊ IKEA ပစ္စည်းတွေ အကုန်တပ်ပြီးပြီ။ အရောင်ကို ကြည့်ပြီး ဝေဖန်ကြပါဦး၊ ကျနော် အဲဒီအရောင်ရွေးတော့ အတိုက်အခံပါတီတွေ ဆန့်ကျင်ဖက်အသံတွေ ထွက်ခဲ့ပေမယ့် တကယ်သုတ်လိုက်တဲ့အခါကျတော့ မဆိုးဘူးလို့ မှတ်ချက်ပေးကြပါတယ်၊ လေးမျက်နှာစလုံး သုတ်လိုက်ရင်သာ မလှတာ၊ တမျက်နှာတည်းကို ခပ်ထင်းထင်းလေး သုတ်ထားတာ လှပါတယ်ဗျာ။ မှန်က IKEA ကပါ၊ ကန်ထရိုက်တာကို ကုတ်တေးရှင်း ပေးခိုင်းတာ သူ့ထက် သုံးဆလောက် များပါတယ်၊ အဲ၊ တခုတော့ ရှိတာပေါ့လေ၊ စိတ်ကြိုက် တိုင်းလုပ်ရင်တော့ ဒီထက်ကြီးတဲ့ အရွယ်အစား ရမှာပါ့လေ၊ ဆိုင်က ရယ်ဒီမိတ်ကျတော့ ပြင်ခွင့်မှ မရှိပဲ။ ဒိထက်ကြီးတဲ့ဆိုက် ရှိတော့ရှိတယ်၊ ဒါပေမဲ့ ဘောင်က အလူမီနီယံနဲ့၊ သိပ်မလှဘူးဗျ၊ IKEA အိမ်သာအဝင်ဝမှာ ထောင်ထားတဲ့ဟာကြီး။

အောက်မှာ ဧည့်ခန်းပုံတွေ တွေ့နိုင်ပါတယ်၊ IKEA ရဲ့ မှန်တွေ၊ shelf တွေ အပါအဝင်ပေါ့။


အောက်ပုံတွေက white balance ချိန်ထားတယ်၊ အပေါ်ပုံက မချိန်မိတော့ ဝါကြင်ကြင်ဖြစ်နေတယ်ဗျ။

小小 Stephen

ဒီတလော အလုပ်ရှုပ်လို့လား ဘာလား မသိပါဘူး၊ ရေသောက်နည်းပြီး မျက်နှာမှာ အဖုတွေထွက်လာတယ်၊ ပါးစပ်မှာလည်း အနာပေါက်တယ်၊ ဒီလက္ခဏာတွေရှိရင် ဒါ အပူကြီးတာပဲ လို့ ရှေးလူကြီးတွေပြောတာပဲ (ဟမ်)..

ဒါကြောင့် ရေများများသောက်ပါတယ်၊ ဒါပေမဲ့ ပြောချင်တာက ရေအကြောင်းမဟုတ်ဘူး။

ဒီနေ့ညနေ အလုပ်ကပြန်တော့ သီချင်းနားထောင်ဖြစ်တယ်၊ အဲဒီတော့မှ သတိထားမိတာက သီချင်းနားမထောင်ဖြစ်တာ အတော်ကြာပြီကိုး၊ ဘာသီချင်း နားထောင် နားထောင် အရသာရှိတယ်ဗျာ (ဗီဗာဟိန်းနဲ့ ဆလိုင်းဖွာထောင် စုံတွဲဆိုတာမျိုးဆိုရင် ပိုတောင်မိုက်အုံးမယ်)။ စိတ်ရှုပ် စိတ်ညစ် စိတ်ပိန် စိတ်ပျက် စိတ်မော အဲသလို အခြေအနေတွေမှာ သီချင်းနားထောင်ရတာဟာ ရေငတ်နေတုန်း ရေအေးအေးတစ်ခွက် သောက်လိုက်ရသလိုပဲ တော်တော်ဇိမ်ရှိတယ်။ အင်အင်းအင်အင်း နဲ့ ညည်းဆို ဆိုညည်းထားတဲ့ သီချင်းနှစ်ပုဒ်ကို တင်လိုက်ပါတယ်၊ လိုက်ဆိုကြပါ။

小小 by 戴佩妮


Hey Stephen by Taylor Swift

Myanmar frees more political prisoners

ဒီနေ့လွတ်လာတဲ့ နိုင်ငံရေးအကျဉ်းသားများအတွက် အင်မတန်ဝမ်းသာပါတယ်၊ နိုင်ငံတော်အစိုးရကို ကျေးဇူးသိပ်မတင်ချင်ပါဘူး၊ ကိုမင်းကိုနိုင်တို့၊ နေဘုန်းလတ်တို့လို လူတွေကို လွှတ်ပေးသင့်တာ ကြာပါပြီ၊ လေးသုတ်မြောက်မှ လွှတ်ရအောင် သူတို့က ပြစ်မှုတွေ ကျူးလွန်ထားတာမှ မဟုတ်ပဲ၊ အချိန်တွေ ဘယ်လောက်နှမြောစရာကောင်းသလဲ၊ သူတို့အတွက် တစ်စက္ကန့် တစ်မိနစ်က မုဒိမ်းမှု လူသတ်မှုတွေ ကျူးလွန်ထားတဲ့ကောင်တွေထက် အဆပေါင်း မြောက်များစွာ တန်ဘိုးရှိတယ်၊ ပြည်သူတွေ ဖိအားပေးတော့မှ လွှတ်ပေးတာကြီးက သိပ်တော့မမိုက်ဘူး၊ ပထမအသုတ်မှာတင် ဒီလူတွေကို လွှတ်ပေးလိုက်ရင် ဘယ်လောက်ကောင်းမလဲ၊ အင်း၊ ထားလိုက်ပါတော့၊ ပြန်သွားလို့လဲ မရတော့ဘူး၊ ဖြစ်ပြီးတာတွေ ပြန်ပြင်လို့လဲ မရတော့ဘူး၊ နောက်နောင် ဒါမျိုးတွေ ထပ်မဖြစ်အောင်ပဲ ဆင်ခြင်နိုင်ကြရင်ကောင်းမယ်။ လွှတ်တာခြင်းအတူတူဗျာ၊ အရသာအများကြီး ပေါ့သွားတယ်၊ မလွှတ်တာထက် စာရင်တော့ ကောင်းတာပေါ့ကွာ လို့ ဖြေတွေးတွေးရင်တော့ မတတ်နိုင်ဘူးပေါ့လေ၊ စေတနာ တကယ်ပါရဲ့လား၊ သဘောထား တကယ်ကြီးရဲ့လား ဆိုတာကို ပြောချင်တာပါ။


source: EMG

ဟင်း.. ဘာပဲဖြစ်ဖြစ် လွတ်လာတဲ့ နိုင်ငံရေးအကျဉ်းသားတွေအတွက် အင်မတန်ဝမ်းသာကြောင်း ထပ်ပြောပါရစေ။

Still Under Renovation

တဆင့်ချင်းကြည့်မှ ဇာတ်ရည်လည်မှာဆိုတော့ ပုံဟောင်းတွေကိုပါ တတွဲတည်းတင်လိုက်ပါတယ်။ (ဟင်.. တင်ပြီးသားမှတ်လား)





ဒါက မီးဖိုချောင်က ဘုံအိမ်သာ..



အများသုံးဆိုတော့ MRT အိမ်သာတွေမှာ တွေ့ရတဲ့ စက္ကူလိပ်ကြီး တပ်လိုက်တယ်၊ အေးရော၊ အဲဒါကြီးက စက္ကူလိပ်လဲဖို့ သော့လေးနဲ့ ဖွင့်ရမှန်း ဒီနေ့မှသိတယ်။ အိမ်သာအိုးဘေးက နံရံပေါ်မှာ လူကြီးသူမတွေအတွက် အားယူဖို့ ကိုင်းတစ်ခုပါ တပ်ထားတယ်၊ ဒယ်ဒီဖားသားနဲ့ မာမီမားသားတို့ အသုံးလိုခဲ့သည်ရှိသော် သုံးလို့ရအောင် ကြိုတပ်ထားတာပါ။ အင်း၊ အိမ်သာနဲ့ မီးဖိုချောင်ကနေ တက်ကိုမတက်နိုင်သေးဘူး၊ ဟာဟ။

Renovation still in progress

ရုပ်နည်းနည်းထွက်လာတဲ့ မီးဖိုချောင်ပုံတွေ တင်လိုက်ပါတယ်၊ စာရေးဖို့ အာရုံနောက်နေတော့ ရေထိုးတဲ့သဘောပါ။ မနက်ဖြန် ခွင့်ယူပြီး တပ်စရာ ဆင်စရာတွေ တပ်တာ ဆင်တာကို သွားကြည့်ရပါမယ်၊ IKEA ကနေ ဝယ်ထားတာတွေချည်းပဲ ငါးခြောက်မျိုးလောက် ရှိတယ်၊ အဲဒီ IKEA ကိုတော့ မပြောချင်တော့ပါဘူး၊ စစချင်း တော်တော်ကြိုက်တယ်၊ တဖြည်းဖြည်းနဲ့ သိပ်မကြိုက်ချင်တော့ဘူး၊ ဝယ်စရာရှိတာ ဝယ်အပြီးမှာ သူ့ပစ္စည်းတွေကို တော်တော်မကြိုက်သလောက် ဖြစ်သွားပြီ၊ တချို့ ဒီဇိုင်းတွေ လန်းသလောက် ကွာလတီက အတော်ညံ့တာဗျာ။ သူ့စားစရာတွေလည်း ဒီတိုင်းပဲ၊ သွားတိုင်း စားလိုက်တာ အခုတော့ ကြက်တောင်ပံမှလွဲ၍ ကျန်သောအရာများ ကန်တော့ပါသေး၏ ဆိုသလောက် ဖြစ်နေပြီ၊ ဥတွေနဲ့ ပြွတ်သိပ်နေတဲ့ ပုစွန်ကွေးကွေးလေးတွေ အင်မတန်ကြိုက်ပေမယ့် အဲဒါမျိုး အခုမရောင်းတော့ဘူးဗျာ၊ တခါတိတိပဲ စားဖူးလိုက်တယ်။



အားလုံးတပ်ပြီးမှ ပုံအသစ်လေးတွေနဲ့ ထပ်မြူဆွယ်ပါအုံးမယ်၊ အဲ၊ ဆေးလည်းသုတ်ပြီးလောက်ပြီဆိုတော့ အရင်ကထက် ပိုလှနေပါပြီ။

Mellben Seafood

မနေ့က ဒကာပေါ်လာလို့ မုတ်ဆိတ်ဂဏန်းညှပ်သွားတယ်၊ သွားဖို့ခဲထားတာ လချီနေပြီဖြစ်တဲ့ Ang Mo Kio က Mellben Seafood မှာ တဖြဲနှစ်ဖြဲ စားဖြစ်လိုက်ပါတယ်။ (ခွေဖြူပြောမှာစိုးလို့ သူများကျွေးတဲ့အကြောင်း အရင်ဆုံး ကြေညာထားတာ၊ ကိုယ်တွေကတော့ သိပ်ချွေတာနေတာလေ၊ ငှဲငှဲငှဲ)

ဆိုင်ကနာမည်ကြီး၊ စားဖို့အရေး တန်းအကြာကြီးစီရတယ် ဆိုတာ သိပြီးသားပါ၊ ဒါပေမဲ့ အဲသလောက်ကြာမယ် ထင်မထားတာ အမှန်ပဲ။ ကျနော်တို့ ရောက်တဲ့အချိန်က ည ရ နာရီဝန်းကျင်ဗျ၊ တန်းစီပြီး ဟင်းမှာပြီး ထိုင်စောင့်ပြီး အိမ်သာတက်ပြီး လက်ဆေးပြီး လက်သုတ်ပြီး ငှက်ပျောသီးစားပြီး ဓာတ်ပုံလျှောက်ရိုက်ပြီး လေကန်ပြီး ဗိုက်ဆာပြီး ဆိုင်ရှင်ကို ကျိန်ဆဲအပြီး ပထမဆုံးတမယ်ဖြစ်တဲ့ ဟင်းရွက်ကြော် ချပေးတဲ့အချိန်က ၈ နာရီ ၃၇ မိနစ်ဗျာ၊ စိတ်မခိုင်ရင် ရူးသွားနိုင်တယ်၊ ဆာလွန်းလို့ အနီးအနားဆိုင်က ပေါင်မုန့်တွေ၊ ငှက်ပျောသီးတွေ ဝယ်လာပြီး အရင်ထိုင်စားရတယ်ဗျာ၊ နောက်တာမဟုတ်ဘူး။ အောက်ပုံက တန်းစီနေတုန်း အပျင်းပြေ ရိုက်ထားတဲ့ပုံပါ၊ တကယ်တော့ အပျင်းလည်း ပြေမသွားပါဘူး၊ ပြေချင်ယောင်ဆောင်တာလောက်ပါပဲ။


ဒီပုံထဲမှာ ဟိုတစ ဒီတစ လျှောက်ရိုက်ထားတဲ့ပုံတွေ ရောထားပါတယ်၊ ကြည့်သောသူမြင်၏ ဆိုတဲ့ စကားကြီးအတိုင်း မျက်စိရှင်ရှင်ထားရင် “ဂဏန်းရွေးလိုပါက သင့်ဒေါသနှင့်သင် ရွေးပါ၊ ဂဏန်းညှပ်ခဲ့လျှင် အလျော်ပေးမည်မဟုတ်” ဆိုတဲ့ အဆိုအမိန့်ကို တွေ့ရမှာပါ။ အဲ၊ ပြီးတော့ နေရာရမှ စားစရာတွေ မှာရတာ မဟုတ်ဘူး၊ တန်းစီနေတုန်း အော်ဒါအရင်မှာရတာဗျ၊ အားလုံးမှာပြီးတော့ စားပွဲထိုး အမျိုးသမီးက ဘာပြောတယ်ထင်သလဲ၊ “နှစ်ကူးနီးတော့ ဂဏန်းတွေက အသားများတာ သိပ်ဝယ်မရဘူး၊ အသားမပြည့်ရင် ပိုက်ဆံပြန်မအမ်းဘူးနော်၊ ကိုယ့်ထိုက်နဲ့ကိုယ့်ကံပဲ သိလား” တဲ့ဗျာ၊ ကိုယ့်ဒေါသနဲ့ကိုယ် တန်းအကြာကြီးစီပြီးမှ လှည့်ပြန်လို့က မဖြစ်ပြန်ဘူးလေ၊ ဟင်း.. ဒီနေ့ ကံကောင်းပါစေ ဆိုပြီး ကြိတ်ဆုတောင်းရတာပေါ့။


ဒါကတော့ စားပွဲနေရာရပြီး အော်ဒါမှာပြီး စားပွဲထိုးက ရေးပေးသွားတဲ့ ခန့်မှန်းစောင့်ရန်ကြာချိန်ပါဗျား၊ ရ နာရီ ၅၅ မိနစ်မှာ နေရာရတယ်၊ ၉ နာရီ ၁၀ မိနစ် မတိုင်ခင် စားရမယ် ပေါ့လေ၊ ေဩာ်၊ ကိုယ့်ကိုကိုယ် သနားသွားပြီး ငှက်ပျောသီး နောက်တစ်လုံး ထပ်စားမိပါတယ်။


ဒါပေမဲ့ ဟင်းတွေရောက်လာတော့ အစောတုန်းက စောင့်လိုက်ရတဲ့ဒုက္ခကို ချက်ချင်းမေ့သွားတာပါပဲ၊ ဗိုက်ဆာပြီး စားချင်စိတ်တွေ တဖွားဖွားပေါက်နေအောင် တမင်လုပ်ထားသလား အောက်မေ့ရတယ်၊ ဘာလာလာ စားလို့ကောင်းနေတာဗျာ။

သိပ်ကောင်းတဲ့ ဂဏန်းငရုတ်သီးချက်ပါ။


သိပ်ကောင်းတဲ့ ဂဏန်းငရုတ်သီးချက်ထက်ကောင်းတဲ့ ထောပတ်ဂဏန်းပါ။


သိပ်ကောင်းတဲ့ ဂဏန်းငရုတ်သီးချက်ထက်ကောင်းတဲ့ ထောပတ်ဂဏန်းထက်ကောင်းတဲ့ မြေအိုးကြာဇံဂဏန်းကို နောက်ဆုံးမှ လာချပါတယ်၊ ပုံစံသုံးမျိုးနဲ့ ဂဏန်းထွားထွားကြီးတွေကို အားရပါးရ လွေးကြပါတယ်၊ အဲဒီအချိန်ကစပြီး ဘယ်သူမှ စကားမပြောတော့ဘူး၊ မျက်နှာမှာ ဟင်းဖတ်တွေ ပေကျံပြီး တစ်ယောက်နဲ့တစ်ယောက် မမှတ်မိတဲ့အထိ စားပြီးတော့မှ လက်လေးဘာလေး ထဆေးကြတယ်၊ မျက်နှာလေးဘာလေး ထသုတ်ကြတယ်။


ဂဏန်းတွေကို အသားပြည့်ချင်မှပြည့်မယ် လို့ စကားကြိုခံထားတော့ expectation တွေ သိပ်မမြင့်တော့ဘူး၊ ဒါကြောင့်ပဲလားတော့မသိ၊ ခါတိုင်းမြင်နေကျ ဂဏန်းပိန်ပိန်လေးတွေထက် အများကြီးထွားတဲ့ သူတို့ဂဏန်းတွေ လာချတဲ့အချိန်မှာ တော်တော်ကျေနပ်မိတယ်၊ ခြေထောက်လေးတွေကအစ အသားများတယ်ဗျ၊ တကောင်တလေပဲ သိပ်မပြည့်တာ၊ စားရင်းနဲ့ ဒီဂဏန်းတွေ စီပီဂဏန်းဖြစ်ရမယ် လို့တောင် နောက်နေကြသေးတယ်။ အင်း၊ ကျေနပ်ဖွယ်ရာ ဤကမ္ဘာ အစီအစဉ်လေးရဲ့ ဂဏန်း episode ကို (အပီစုပ် ဟု ဖတ်ချင်လည်းဖတ်) ဒီမှာ ရပ်လိုက်ပါမယ်၊ စားချင်သူများ အားရပါးရ စားနိုင်ကြပါစေ၊ လမ်းသွားရင်တောင် ဘေးတိုက်သွားတဲ့အထိ ဂဏန်းတွေ စားနိုင်ကြပါစေ။

Yet Another Weekend

Update

မနေ့က ဘူဂစ်(စ်) နားက တိုက်တန်းလျားကြီးအောက်ထပ်က ဆိုင်တွေမှာ ဘုရားစင် လိုက်ရှာတယ်၊ တဆိုင်ဝင် တဆိုင်ထွက် လိုက်ကြည့်တာ ကိုယ်လိုချင်တဲ့ပုံစံကို ဆိုင်တဆိုင်မှာပဲ တွေ့ခဲ့တယ်၊ စင်တစ်ခုလုံး မဟုတ်ပဲ နံရံပေါ်မှာ တပ်ထားတဲ့ ပုံစံမျိုးပါ။ ဧည့်ခန်းမှာထားမယ့် ပရိဘောဂတွေကို တန်းစီကြည့်တော့ ဘုရားစင်တစ်ခုလုံး ထပ်ထားဖို့ မဆန့်တော့တာကြောင့် နံရံပေါ်မှာပဲ ကက်ဘိနက်တစ်ခု တပ်ထားဖို့ ဆုံးဖြတ်လိုက်ရတယ်၊ အိမ်ကျယ်ရင်တော့ တမျိုးပေါ့လေ။ အရောင်ကိုတော့ အနီပြူးပြူးကြီး မရွေးပဲ ကြေး သို့မဟုတ် အဖြူရောင် ဆင်းတုတော်နဲ့ လိုက်ဖက်မယ့် သစ်သားရောင်လေးပဲ ရွေးခဲ့တယ်။

ဒီနေ့ အင်တာနက်လိုင်းအတွက် Yew Tee အမ်အာတီကို သွားဖြစ်တယ်၊ M1 က road show ရှိတယ်လေ၊ ဆိုတော့ ဆိုင်သွားတာထက်စာရင် စောင့်ရတဲ့အချိန် တိုသွားတယ်။ အဲဒီလိမ္မော်ရောင် တယ်လ်ကိုက အစိမ်းနဲ့ အနီလောက် မကောင်းမှန်းသိပေမယ့် ဈေးချတာကြောင့် ယူမယ်လို့ စိတ်ကူးလိုက်တယ်။ အဲ၊ ယူမယ်ဆိုတာက အခု စင်္ကာပူမှာ စပြီး ခေတ်စားနေတဲ့ ဖိုင်ဘာလိုင်းပါ၊ အရင်လို ကေဘယ်လ်မဟုတ်တော့ပဲ ဖိုင်ဘာလိုင်းတွေနဲ့ ချိတ်ဆက်ထားတဲ့ မျိုးဆက်သစ် အင်တာနက်လိုင်းပါ၊ ဘိုလို The Next Generation Broadband Network (NGBN) လို့ ခေါ်တဲ့ဟာပေါ့။ အဲဒီလိုင်းမျိုးကို စင်္ကာပူ တကျွန်းလုံး မချိတ်ဆက်ရသေးပါဘူး၊ ကိုယ်နေတဲ့နေရာ ရမရ သိချင်ရင် http://rollout.opennet.com.sg မှာ postal code နဲ့ ဝင်စစ်လို့ ရပါတယ်။ ဖိုင်ဘာလိုင်း ရယ်ဒီမဖြစ်သေးရင်တော့ ကေဘယ်လ်ပဲ ဆက်သုံးပေတော့ပေါ့။

ကိုယ်နေတဲ့ ဘလောက်မှာ အဲဒီ ဖိုင်ဘာလိုင်း ရယ်ဒီဖြစ်နေပြီ ဆိုတာနဲ့လည်း အပျော်မလွန်ပါသေးနဲ့အုံး၊ OTP (ဘဏ်တွေသုံးတဲ့ one time pin မဟုတ်၊ အိမ်ဝယ်တဲ့အခါ တွေ့ရတဲ့ option to purchase လည်း မဟုတ်) OpenNet Terminal Point ဆိုတဲ့ ကိရိယာ တပ်ဆင်ပြီးသားဖြစ်တော့မှ စိတ်အေးရတာပါ။ ဧရိယာတချို့မှာ ဖိုင်ဘာကွန်ယက် ဖြန့်ကျက်နေကတည်းက အဲဒီကိရိယာကို OpenNet ကုမ္ပဏီကနေ အခမဲ့ တပ်ဆင်ပေးခဲ့ဖူးတယ်၊ ခုလည်း တောက်လျှောက် တပ်နေတုန်းပါပဲ၊ ဒီနှစ်လယ်လောက်မှာ တကျွန်းလုံးရဲ့ ၉၅% လောက် ချိတ်ဆက်ပြီးမယ် ဆိုပါတယ်၊ အခု OTP (အတိုကောက် TP လို့လည်း ခေါ်သေးတယ်) တပ်တာက အခမဲ့လား အခပေးရသလား မသိပါဘူး။ အဲနီးဝေး၊ အကြောင်းကြောင်းကြောင့် အခမဲ့ တပ်ပေးနေတုန်းက မတပ်မိလိုက်တဲ့ အိမ်တွေရဲ့ status က ISP တွေကနေ check လုပ်လိုက်ရင် HomePassed ဖြစ်နေပါလိမ့်မယ်၊ တပ်ပြီးသားဆိုရင် HomeReached ဖြစ်ပါမယ်၊ ကံဆိုးသူ ကျနော်တို့နေအိမ်ကတော့ HomePassed ပါ။ အရင် အိမ်ရှင်အဘိုးကြီး ဒါကို တပ်ရကောင်းမှန်း သိပုံမရပါဘူး။

အဲဒါ ဘာကွာသလဲဆိုတော့ တပ်ဆင်ခ ၂၃၀ ကျော် ကွာပါတယ်၊ ကျနော့်လို ဖိုင်ဘာက ရယ်ဒီပြီးသား၊ တီပီတော့ မတပ်ရသေးဘူးဆိုရင် တပ်ဆင်ခ ပေးရပါမယ်။ ဒီတော့ အခုလောလောဆယ် M1 မှာ ချနေတဲ့ လျှော့ဈေး 100Mbps ကို တစ်လ ၃၉ ဒေါ်လာ ပလန်က ၂ နှစ်စာချုပ်နဲ့ ၉၃၆ ပဲ ကျပေမယ့် ဒီတပ်ဆင်ခကြောင့် တစ်လကို တစ်ဆယ်လောက် ပိုကျသင့်သွားပါတယ်။ ပရိုမိုးရှင်းမဟုတ်တဲ့ သာမန်ဈေး ၅၉ ဒေါ်လာနဲ့တွက်ရင် ၂ နှစ်မှာ ၄၀၀ ကျော် သက်သာရမယ့်ဟာ ၂၀၀ ကျော်ပဲ သက်သာသွားပါတယ်။ ဒါကြောင့် အတန်ဆုံးကတော့ တီပီ တပ်ပြီးသား လူတွေပါပဲ၊ ဈေးသိသိသာသာ သက်သာသွားတဲ့အပြင် M1 ကနေ လာတပ်ဆင်မယ့် ONT (Optical Network Terminal) ရက်ကိုလည်း စောစောစီးစီး ရက်ချိန်းရနိုင်တဲ့အတွက် အချိန်လည်း အများကြီး သက်သာသွားတယ်။ ကျနော့်ရက်ချိန်းက တီပီအတွက် ၃၁ ရက်နေ့မှ ရပြီးတော့ အိုအန်တီ တပ်ဖို့အတွက် နောက်လဆန်းမှ ရပါတယ်၊ အိုအန်တီ တပ်ပြီးမှ အင်တာနက် စ သုံးလို့ရတာပါ၊ ဆိုတော့ ဖိုင်ဘာအင်တာနက်သုံးဖို့ ရင်ခုန်စွာနဲ့ နောက်လအထိ စောင့်ရမှာပါ။



ဒီပို့စ်ကိုတင်တာ အင်တာနက် ကွန်ထရက်ပြည့်ခါနီး တခြားလိုင်းတွေ ပြောင်းယူဖို့ စိတ်ကူးနေသူများအတွက် ရည်ရွယ်ပါတယ်၊ M1 ရယ်မှ မဟုတ်ပါဘူး၊ တခြား ဈေးသည်တွေဆီကလည်း ဝယ်စားနိုင်ပါသေးတယ်၊ ဈေးကွက်ထဲမှာ အားလုံးပေါင်း ၆ ယောက် လှုပ်ရှားနေပါတယ်။

RSP (Retail Service Provider) [source: Hardware Zone]

The RSPs provide retail services to end-users.

SingNet
StarHub
M1
SuperInternet
ViewQwest
MyRepublic

M1 ယူဖြစ်တာက ကွာလတီနဲ့ ဈေးနှုန်းနဲ့ trade off လုပ်လိုက်ရတာပါ၊ လက်ရှိအနေအထားက ဈေးသက်သာတာကို ဦးစားပေးရတဲ့ အနေအထားပဲလေ။ နောက်မှ ကွာလတီနဲ့ဆိုင်တဲ့ ပို့စ်တပို့စ် တင်ပါအုံးမယ်။
--


ယူနီကုတ် ဖတ်မရသူများအတွက်..

Internet Explorer နဲ့ဖတ်သူများ
Tools --> Internet Options --> Accessibility ထဲဝင်ပြီး ရှိသမျှ အမှန်ခြစ်တွေကို ဖယ်လိုက်ရင် မြင်ရမှာပါ။

Firefox နဲ့ ဖတ်သူများ
Tools menu --> Options --> Content --> Fonts & Colors --> Advanced --> Allow pages to choose their own fonts ကို အမှန်ခြစ်ပါ၊ Default Character Encoding ကို Unicode(UTF-8) ရွေးပေးပါ။

測試

ဤပို့စ်သည် ကျွန်ုပ်၏ ပထမဆုံးသော ယူနီကုတ်ပို့စ်ဖြစ်ပေသည်၊ ကြိုက်ကြိုက် မကြိုက်ကြိုက် လက်ခုပ်တီးကြပါ။ ဘော်ဒီအတွင်းရှိ စားများကို ယူနီကုတ်ဖောင့်ဖြင့် ရေးထားသော်လည်း ခေါင်းစဉ်ကို တမင်သက်သက် တီလုပ်လိုရေးပြီး တက်ဂ်ကိုမူ ဇော်ဂျီဖောင့်နှင့် ယူနီကုတ် တွဲလျက် ရိုက်ပါသည်၊ စာဖတ်သူ အယောက် ၁၀၀ တွင် ၁ ယောက်မျှသာ သုံးမျိုးစလုံးကို အဆင်ပြေချောမွေ့စွာ မြင်နိုင် ဖတ်နိုင်မည်ဟု ဝမ်းမြောက်စွာ မျှော်လင့်မိပါသည်၊ ဟင်းဟင်းဟင်း။

--
တကယ်တမ်း ဦးဦးဒီဘီ၏ ဘလော့ဂ်သို့သွား၍ ဇော်ဂျီလက်ကွက်ဖြင့်ရိုက်ပြီး ယူနီကုတ်အဖြစ် convert ခဲ့ခြင်းကိုမူ အပြစ်ကင်းစင်သော စာဖတ်သူများ မသိခဲ့ကြပါချေ။ ယခု အသင် စာဖတ်နေချိန်အထိ ကျွန်ုပ်သည် ယူနီကုတ်လက်ကွက်ကို လုံးလုံးမျှ မရင်းနှီးသေးပါ၊ ကျွန်ုပ် များစွာ များစွာ ကြိုးစားရပါဦးမည်။

Renovation in progress

As title...



Stay tuned :D

Happy new year 2012!

Wish you all a prosperous dragon year ahead!